နေ့စွဲ ဖေဖေါ်ဝါရီ ၄ရက် ၊ ၂၀၂၁ခုနှစ်
၁။ ၂၀၂၁ ခုနှစ် ဖေဖေါ်ဝါရီလ ၁ ရက်နေ့က နိုင်ငံတဝှမ်း အရေးပေါ်အခြေအနေကြေညာပြီး၊ ဒီမိုကရေစီနည်းကျ ရွေးချယ်တင်မြှောက်ထားသည့် အစိုးရထံမှ တပ်မတော်က အာဏာသိမ်းယူလိုက်ခြင်းကို ကန့်ကွက်ရှုတ်ချလိုက်သည်။
၂။ မဲဆန္ဒပေးခဲ့ကြသည့် ပြည်သူများ၏ဆန္ဒအစစ်အမှန်ဖြစ်သေ ာ ၂၀၂၀ခုနှစ် ရွေးကောက်ပွဲရလဒ်ကို အပြည်အဝ လေးစားလိုက်နာရန် သတိပေးလိုက်ပါသည်။
၃။ အာဏာသိမ်းမှုတွင် ဖမ်းဆီးထိန်းသိမ်းထားသူများအား လုံးပြန်လွတ်ပေးရန်၊ နိုင်ငံသားများ၏ အခြေခံလူ့အခွင့်အရေးကိုလိုက်နာ ပြီး တရားဥပဒေစိုးမိုးရေးကို အလေးအနက်တိုက်တွန်းအပ်ပါသည်။ အခြေခံဥပဒေကို လေးစားလိုက်နာမည်ဟုဆိုပါလျင် အခြေခံဥပဒေပါ လူ့အခွင့်အရေး၊ သတင်းလွတ်လပ်ခွင့်အခွင့်အရေးတို့ ကို လေးစားလိုက်နာရန် လိုအပ်ပါသည်။
၄။ ကုလသမဂ္ဂ၏ လူအခွင့်အရေးကြေငြာစာတမ်းပါ လွတ်လပ်စွာထုတ်ဖော်ပြောဆိုခွင့် ၊ သတင်းသိရှိပိုင်ခွင့်ကို လေးစားလိုက်နာပြီး လွတ်လပ်သည့် သတင်းမီဒီယာများ သတင်းအလုပ်ကို တားဆီးကန့်သတ်မှု မလုပ်ရန် အလေးအနက် သတိပေးလိုက်ပါသည်။
သတင်းသမားများ၏ လုံခြုံရေးကို ထိပါးစေမည့် နောက်ယောင်ခံလိုက်ခြင်း၊ နေအိမ်တွင် လာရောက်စုံစမ်းမေးမြန်းခြင်းတို့ ကို မပြုလုပ်ရန်နှင့် သတင်းရယူစဥ်တွင် တရားဥပဒေစိုးမိုးရေး တာဝန်ရှိသူများဖြစ်သည့် ရဲတပ်ဖွဲ့ဝင်များ အနေဖြင့် အကာအကွယ်ပေးရန် ဥပဒေအရ တာ၀န်ရှိသည်။
၅။ သတင်းမီဒီယာသမားများ အနေဖြင့် ပြည်သူများ၏အခြေခံအခွင့်အရေးတစ် ခုဖြစ်သော သတင်းရှိပိုင်ခွင့်အတွက် အခက်အခဲကန့်သတ်မှုများမည်မျှပင် ရှိစေကာမူ မိမိတို့၏ လုပ်ငန်းတာဝန်များကို ဆက်လက်လုပ်ဆောင်သွားမည်ဖြစ်ပါ သည်။
မြန်မာဂျာနယ်လစ်ကွန်ရက်
Myanmar Journalist Network
Comments
Post a Comment